李根興創業之友 Edwin's Entrepreneur-Friends - 網紅的藏寶箱
Home 李根興創業之友 Edwin's Entrepreneur-Friends

Search

李根興創業之友 Edwin's Entrepreneur-Friends

分享香港創業精神及營商秘訣 。Sharing of entrepreneurial spirit and secrets.
I have sold over 1,000 businesses and setup over 70. I started the first SFC licensed shop fund. 我已買賣過超過 1,000宗生意及創立過超過70。創立了香港首間證監會持牌商舖基金。
《先選擇戰場，再選擇戰術!》做生意如打仗， 如何「名成利就」? 前幾日，有個朋友，佢家族做開地產發展， 即係收購重建，工商舖投資， 買樓收租咁啦! 我同佢傾計嘅時候，佢就問我: 「Edwin....?」佢想地產界出名啲，點做得到? 費事開佢名，Let's him David. 我同佢講: 「我覺得你講嘢好虛喎! 出名啲? 你由 IFC 100樓跌落街都出名啦。」 你出名目的係為乜嘢先? 佢回答: 「為知名度，為搵到更多錢。 希望日後喺業界都更加舉足輕重。 升官發財咁囉好。」 我同佢講 "If you can define your battlefield, you can win any battle. " 但首先，you have to define your battlefield. 如果你可以選擇戰場，你再用啱嘅戰術，你能夠打勝任何一場仗。 但首先，你要選擇戰場! 唔好講人，講我自己。 工廈我唔掂，office我唔掂，住宅我唔掂，菲律賓/非洲/車位/骨灰龕，即使劏場(無陰公)，我全部唔掂。 基本上，我乜都唔掂，除咗喺條街，五千萬以下嘅街舖。 但我夠膽同你講， 幾千萬以下嘅街舖，喺香港冇人夠我嚟。 過去幾年能夠係市場道，買入一間舖，轉手賣返出去，即使個市唔升，甚至乎有社運加肺炎，個市大跌咗，都能夠賺到錢嘅， 全香港只得49單，我李根興一間公司就佔咗26單，市佔率5成以上。 我夠膽同李嘉誠、李兆基、鄧成波、黎永滔、梁紹鴻等大孖沙講，佢哋喺市場上買一舖再轉手賣出賺錢嘅宗數嘅總和，唔夠我一個多。 再加上我日睇舖，夜睇舖，日研究，夜研究，又出書，又拍片， 持續地，風風雨雨，社運肺炎不改地重覆地做，拍足二三千條片，自然係舖界就出名。 當然一涉足全幢嘅工廈、商廈、成個地盤，我同以上嘅大孖沙就冇得比，佢哋身家多我幾百幾千倍。 喺佢眼中，我可能只係喺道玩緊泥沙。 It's OK。起碼我玩泥沙，都要專注玩到第一。 玩玩下，持續地玩，玩十年，玩幾十年，分分鐘就會累積成沙丘，山谷，成座山，成個城，you will see。 我同David佢講: 「你依家收購重建全香港可能排第24，炒樓可能排第67，舖位可能排第38，工廈Office 就排第17，身家你排第167。老實說，咁人哋點記得你呢? 排第六第七都唔記得啦，何況排第67? 如果你真係想實實在在，想出名嘅話，唔係博出位喎， 係實實在在咁有料到，你一定要打好根基，define your battlefield， 重新定義你嘅戰場，咁你就有機會戰勝每一場仗 win any battle。 總之你要揀好一範，你係全港第一， 全香港最專，日日做，持續做，咁就實實在在，唔係吹水哋，出名啦。 信我啦，短線你可能會賺少啲。但長遠，「名成」就「利就」， 畀多五年十年廿年時間你會賺返嚟。 奈何，絕大部分香港地產界投資者，都係呢樣買，嗰樣買，呢樣做，嗰樣做。 但試問，咁又點長遠打低新鴻基/長江/恒基呢啲大型老牌發展商呢? 我同佢講，街舖只係我第一步， 專注做好之後，幾年幾十年後，好自然會伸展至其他工商/酒店/住宅類別。 但我同同事們講... Whatever we do, we need to be No. 1 in whatever we go into. "Define the battlefield, before we fight any battle." 即使廿年後嘅今日，我有機會起樓， 咁點打低新鴻基呢? 我可唔可以成為全香港起樓最多比年青人 co-living 嘅發展商? 或者，可唔可以成為全港起最多太空艙/納米樓比新來港人仕嘅發展商? 或者全港起樓最多俾愛狗愛貓人士住嘅發展商? 提供特別多寵物 friendly 嘅設施吸引買家? I don't know，whatever。 總之，whatever we do, we need to be number 1, otherwise we don't do it at all. 當然要 make sure 個 battlefield 唔好太窄、太淺，市場要咁深，賺到大錢才去打。 如果唔係，贏咗，你始終都仲係一個乞衣，無用! 記住，You can win any battle if you can define the battlefield. 你呢? 你盤生意? Where is your battlefield? 。。。。。。。。。 星期六我經常會搞下 Brainstorning-for-4 早餐/午餐會，大家交個朋友😬😁🤯🤓 互相俾下意見睇下盤生意有乜可以做好啲。 地點是中環。約3小時。 對象: 管理層/生意經營者/創業者 有興趣參加的話，請 whatsapp 你的名片給 Suki (我助手) 5566 1335。她會再聯絡你。 免費 (我不是靠這行搵食😅)。我請食飯 😉 Be friends ..... 多謝! 李根興 Edwin www.edwinlee.com.hk #李根興的生意哲學 購買李根興的四本書: (1) 【李根興的生意哲學】(最新2020年6月出版 - 定價$198) (2) 【買舖 要買得 PRO】(定價$198) (3) 【買起金磚頭 - 商舖投資煉金術】(定價$128) (4) 【買起金蛋鵝 - 生意營商之道】(定價$128) 每本+$30 本地順豐快遞。 想有李根興親筆簽名及 personal message，可跟以下指示付款，whatsapp 付款紀錄給Suki (+852) 5566 1335。. (1) PayMe：(付款鏈結) https://qr.payme.hsbc.com.hk/2/XnedEJjfaG6ipAmbSoYWP (2) FPS轉數快 or Alipay：97453555 (3) Citibank花旗銀行戶口： 250-390 10935983 (Lee Edwin Kan Hing) (4) Bank of China 中國銀行戶口： 012-878-2-0106664 (Lee Edwin Kan Hing) (5) HSBC 滙豐銀行戶口： 828-594853-833 (Lee Edwin Kan Hing) (6) Wing Lung永隆銀行戶口： 020-644-0000-3123 (Bridgeway Development Company Limited) (7) Paypal to [email protected] 🔸付款後，請將以下資料whatsapp至+852 5566 1335 (Suki)： (1) 入數紀錄 (2) 你希望Edwin在新書上寫什麼名字 或是 “BLANK”? (3) 取書方法(書本寄出的順序會以收到入數資料的先後次序發出)： - 盛滙辦公室領取：中環皇后大道中16-18號新世界大廈一期1502至3室，辦工時間: 逢星期一至五, 早上9:00至下午6:00 (午飯時間: 中午1:00-2:00)，電話 2830 1111。 - 順豐快遞：請提供收件人名稱及地址 (香港及澳門，每本需額外加HK$30運費) - 海外郵件：郵局平郵寄出(每本需額外加HK$70運費)，由於疫情關係郵遞需時1個月至3個月不等

《先選擇戰場，再選擇戰術!》做生意如打仗， 如何「名成利就」? 前幾日，有個朋友，佢家族做開地產...

2020-11-20 15:47:22 有 170 人說讚
INSEAD 知識分享【做生意如打仗 - 尋找 Blue Ocean 的六條新路】 如果你的競爭對手比你更強，你應該如何打勝這場仗呢? 根據 Blue Ocean Strategy 藍海策略之父 W. Chan Kim，有六條路「打勝」這場仗。你應如何應用? 聯絡李根興 WhatsApp (+852) 90361143 全文內容: 做生意好似打仗咁， 如果你嘅敵人好強，你同佢正面交鋒 ，即使你贏，你都只係慘勝。 你會好傷。 你同個強過你的競爭對手鬥平 鬥靚，就等如係同佢係正面交鋒。 呢個係一個紅海， 互相廝殺，血染大海。咁點呢? 我星期六經常同唔同嘅朋友交流下做生意心得， 4位，人少少方便傾計， 如果你有興趣參加，可以whatsapp你張卡片畀我助手 Suki 5566 1335， 免費，我請食飯, 大家交個朋友。 前排就同其中一做開手袋嘅朋友Brainstorm 下佢盤生意點可以突破。 始終牽涉私隱，唔好開佢公司或人名啦。Let's call him Peter. Peter 好成功， 紅褲仔出身，廿年前由東南亞 OEM (Original Equipment Manufacturer) 做起， 即係幫人哋嘅品牌生產手袋。 前幾年就建立埋自己嘅品牌， 有埋自己十間八間嘅專門店， 賣到全世界都有佢嘅袋。 (為保障佢私隱，上面有啲內容我修改咗些少。) 表面上好成功，但老實說，佢都話做得好辛苦， 俾大品牌挨住嚟打。肺炎疫情更加唔洗講，基本上每個月蝕住做。 我同佢講， 佢就好似正面地同強過自己嘅敵人打仗咁， 敵人就係 LV，Chanel，Gucci，Prada 等， 佢哋永遠都喺度， 鬥平或者鬥靚，即使打贏場硬仗，好大機會即使打贏，自己都只會受重傷，慘勝。 要打佢，就應該從側邊打。 攻佢一啲佢唔為意嘅地方。 吸嗰啲根本唔會幫襯佢或就嚟發想想再幫襯佢嘅客人。吸佢嘅 Non-Customers。 你諗下，如果喺街上面問一百個人， 佢哋有冇買LV/Gucci 手袋，99個都可能答你「無買」 或唔打算「再買」。 只係得一個有。 咁你同佢打就唔應該搶嗰一個客，而係應該target嗰99個 non-customers。而嗰99個non-customers 入面，只要有一個願意幫襯你，你嘅市場佔有率就係50%，有兩個幫襯你，你嘅市佔率係66%。 你係要target嗰啲「買袋 for those do not enjoy 買袋嘅客人」。 點搵? 根據Blue Ocean Strategy 藍海策略之父 W. Chan Kim 有六條路， 唔需要條條行曬，行通一條已經足夠。 (1) Across alternative industries 跨越另一選擇行業, (2) Across strategic groups 跨越策略性群組, (3) Across chain of buyers 跨越買家決策鏈, (4) Across complementary services or products 跨越協同效應服務或產品, (5) Across functional-emotional appeal 跨越功能及情感的吸引力, (6) Across time and trend 跨越時間及趨勢. 我同Peter講， 你做手袋可唔可以試下以上六條路。 (1) Across alternative industries 跨越另一選擇行業， 例如我做商舖基金，就係跨越咗兩個行業 - 商舖及基金。 啲人覺得買舖好煩嘅，就會買我嘅商舖基金。一樣係「買舖 for those do not enjoy 買舖。」 當時我哋食緊飯，我同Peter講:「咁你又可唔可以考慮將手袋 cross 另一個行業呢? 好似我哋而家食完飯，成枱都係餸，你又可唔可以推出一啲名牌專打包外賣嘅手袋賣俾餐廳? 環保啲、保溫好啲、 款式多啲，咁餐廳可以轉售畀個客人圖利， 咁就唔會直接同 LV / Gucci 競爭， 咁會唔會吸到嗰99％嘅non-customers， 用手袋 cross Catering 餐飲，又會唔會殺出條血路呢? (2) Across strategic groups 跨越策略性群組。 一個手袋，可以買亦可以租。係兩個Strategic Groups。既然係咁，可唔可以推出一啲月租計劃， 月費500蚊，預繳每年6000蚊，就每個月無上限，只要個客寄返個袋返嚟，就換個新袋畀佢用呢? 甚至乎搵個形象顧問，幫個客度埋嗰個月嘅新形象，畀啲surprise個客。 咁嘅話，會唔會吸引咗好多老公，幫老婆買個plan送俾佢呢? 咁老公唔使煩，老婆又有surprises。 咁係唔係「買手袋 for those do not enjoy 買手袋? 」 LV / Gucci 嘅 non-customers? (3) Across chain of buyers 跨越買家決策鏈。 買手袋，有 users 用家 (可能係個阿太)，payers 俾錢嗰個 (可能係個老公)，influencers 具影響力嘅人 (可能係啲KOL，佢側邊啲阿太朋友或者仔女)，critics 評論者 (可能係啲雜誌/網上專家)， 上面咁多人，其實每一層都可能影響咗成個買袋嘅過程。 你想賣多啲袋，rather than 好似LV/Gucci 咁狂賣廣告， 不如可唔可以洗啲錢喺唔同層次上面影響個買家呢? 例如專門 target 啲孝順仔女， 唔知你點樣設計個手袋法， 但畀啲仔女感覺到話想阿媽用了個袋後就會「健康」啲，「青春」啲? 或者專門送啲手袋畀KOL (Key Opinion Leaders)，俾啲阿太見到，佢哋又跟住買呢? (4) Across complementary services and products 跨越協同效應服務或產品, 好似外國嘅IKEA， 通常都有個 Child Care Center， 比啲阿媽免費放低個仔女幾個鐘? 入面免費有嘢食，有嘢玩。點解? 佢呢就可以有時間入去 IKEA shopping。放低十次唔買，第十一次，冇嘢做，行下行下自然會買。 買一次就能賺返曬返嚟。 我同佢講:「咁你做手袋專門店， 又可唔可以試下提供一啲免費嘅協同效應服務，例如， 修甲、吹頭、 即場享用嘅修身飲品，whatever， 總之就吸咗個客入嚟舖頭先，十次唔幫襯，第十一次自然會買個袋。 有冇留意到坊間有好多品牌其實都已經做緊同樣嘅嘢，皇后大道中嘅 Mercedes 餐廳，銅鑼灣嘅Leica Cafe 等。 我自己日日拍片畀你免費睇，其實都係行緊呢條 Complementary 路，你睇下睇下， 睇咗100條，1000條，遲早有一日你會買返間舖。 到時第一個搵邊個? 你都可能會考慮下我。 (5) Across functional-emotional appeal 跨越功能及情感的吸引力。 要贏人，就唔好淨係鬥價或者質量。 等如買部手機咁， 唔係function勁就贏曬。 蘋果手機好多嘢都過人，但硬係有好多蘋果迷， 情感上就係要買蘋果。 佢哋多啲錢，都要願意買啲渣啲嘅產品。 呢個就係 Emotion 大過 Function. 包括我在內，點解人地幫我買舖? 可能睇咗我300條片之後，覺得呢條粉腸李根興，日睇舖晚睇舖， 講埋啲乜鬼個人道理/故事，放埋佢老婆仔女上網，感覺呃人都呃極有個譜 ， 唔介意畀啲錢佢賺下。 我同Peter 講，你背後又有咩故事同人分享呢? 你盤生意呢?人哋feel唔feel到你呢? 你有乜嘢去 drive emotion 呢? (6) Across time and trend 跨越時間及趨勢. 隨著時間同埋趨勢/科技嘅改變， 今時今日先有機會有 Deliveroo / Food Panda 等叫外賣應用程式， 網絡速度快才能做到。 以前網絡好慢嘅時候，根本做唔到。我同Peter 講，手袋一樣，有無可能推出一啲袋， 每日可以 track 住佢去邊度，提出消費建議。又或者佢唔使拎銀包出嚟就方便畀到/收到錢呢? Whatever ... 目的就係吸引嗰班 LV/Gucci 嘅 Non-Customers。 只要你吸到1％，你就有50％ market share. 唔需要六條路行曬，行通一條已經可以不得了。 我同Peter佢講，there is nothing wrong with what you are doimg now. 正面交鋒，鬥平鬥靚， 養活咗99％中小企。 不過佢哋大部分都只係繼續浮浮沉沉， 要突破嘅話，就係要搵到你嘅藍海。 藍海唔係喺Customers 道搵，而係喺 Non-Customers 道搵。 唔係要去爭，而係要做大個餅。Not Compete, but to Create. 如果我買賣舖，下下都要鬥平 鬥靚，根本無錢賺。 論身家，大把舖王多我幾百倍。但點解過幾年， 係市場嚟買賣賺錢嘅街舖 ，按宗數我哋能夠佔超過五成嘅市佔率? 就係因為我哋吸咗嗰1％嘅 non-customers。 「買舖 for those do not enjoy 買舖。」 我哋搵到我哋嘅藍海。 你呢? 你有無更強嘅競爭對手? 你又係咪同人鬥平鬥靚緊? 係咪正面交鋒到好攰呢? 試下用上面六種嘅方法， 從你嘅敵人側邊打佢， 唔需要條條行得通，只要行啱一條， 希望你盤生意之後長遠亦有所突破。 「做生意如打仗。遇上更強的敵人，要避免正面交鋒。 應從側面六條路，打他們唔為意的地方。」李根興 。。。。。。。。。 星期六我經常會搞下 Brainstorning-for-4 早餐/午餐會，大家交個朋友😬😁🤯🤓 互相俾下意見睇下盤生意有乜可以做好啲。 地點是中環。約3小時。 對象: 管理層/生意經營者/創業者 有興趣參加的話，請 whatsapp 你的名片給 Suki (我助手) 5566 1335。她會再聯絡你。 免費 (我不是靠這行搵食😅)。我請食飯 😉 Be friends ..... 多謝! 李根興 Edwin www.edwinlee.com.hk

INSEAD 知識分享【做生意如打仗 - 尋找 Blue Ocean 的六條新路】 如果你的競爭對...

2020-11-20 11:28:32 有 443 人說讚
風再起時 ... 【盛滙商舖基金】2020年第4季集資講座 (上限港幣6000萬) 我們盛滙商舖基金， 是全港首間證監會持牌並專注投資香港商舖的基金公司。2016年成立以來，我們已經買入41間街舖，賣出33間，全數獲利，同期全港最多。 而幾年內獲利轉手的街舖，我們市場佔有率現在超過五成。升幅也跑贏大市三分一。💪 2020年第四季，我們又集資買舖。 今期上限港幣六千萬， 現有的客戶已經承諾投資加碼4600萬， 因此只得1400萬給街外新客， 投資最少港幣三百萬起。 如果你有興趣參與我們的商舖基金 ，我們會連續幾場講座講解基金內容及目標回報， 每場限六位，I will be there. 我們是香港證監會持牌法團。 【此講座及投資只適合持有港幣800萬以上流動資產(非物業)人士或公司參與】 個市剛剛好在轉角位，believe me，今期好快會爆滿，額滿即止，先到先得。 如果你想在講座前，直接了解我們的基金及開戶口詳情，可直接聯絡我(李根興) whatsapp 9036 1143 或 Marc 6092 6444 / Joe 9250 6708 / Vivian 9311 9274 / Mani 9669 1789 / Monica 9305 8194 或致電 2830 1111 😉 今期集資的主題是「風再起時」。 世界輪流轉， 舖位都衰了唔少， 接下來可能是時候發圍時機。 (1) 肺炎總會過去 (2) 拜登上場，中美關係最對立的時候希望已經過去 (3) 遊客一定會回來， 通關又好，氣泡又好，唔會少過今日 (4) 最重要是，政府分分鐘撤銷工商舖辣招， 免去雙倍印花稅， 變相全部工商舖物業升值4.25%。 當然我做得舖這行，就要熱愛「舖」，賣花讚花香。 我相信舖市是最壞時候可能已經過去。 升市，個個都係股神樓神舖神，但跌市，大跌市先至考你功力。 我們今年肺炎至今，合共買入了8間街舖，同時最重要，賣出了5間街舖， 前後涉資金約2.5億。 沽出的舖全數獲利， 疫境中，買家都買到平貨，恭喜買家，大家雙贏。 接下來，我們每季目標都會集資約六千萬港幣，每年淨資產目標增長約兩三億街舖。入三出一，即係每買入三間舖，就賣出一間，做好售後服務，貨如輪轉。 目標帶給我們投資者長遠每年10%回報。 我無本事一玩就玩到幾十幾百億。 做任何生意要有「持續性」。情願做細啲，做穩啲， 紮實根基，一步步行好佢。最緊要最緊要就是投資者、商舖買家、租客、我們班同事們、同我自己， 穩定地持續賺到錢。 我是生意人，不是投資者。市升市跌，都繼續貨如輪轉，一定要有「持續性」， 就好似賣柴米油鹽一樣， 任何經濟環境 都有得食，密密食，唔可以 hit and go，炒一轉，發橫財，就人間消失。 我重複，All I ask for 就是每季集資幾千萬新錢， 每入三間舖就賣出一間，每年累積多兩三億街舖， 銀行借貸唔好過多，兩三成以內就足夠，小心駛得萬年船。當中成個基金我本人佔兩三成， 長遠達至每年10%回報。Very simple， 再俾多錢我都要 SAY NO! 一步步做好， 唔好過份膨脹，利益一致，人少少，最緊要大家穩定地賺到錢，賺開心錢😁。 我是李根興， 盛滙商舖基金創辦人，有機會到時見你。 More info on www.bwfund.com 香港證監會持牌法團 BBL650 【盛滙商舖基金】2020年第4季集資講座 盛滙商舖基金專注投資香港商舖，讓客戶以較低資金購入基金參與商舖投資（低至港元300萬），相對於購入單一商舖動輒過千萬元，投資基金的客戶等同以較低門檻投資多間商舖，更可分散風險。 盛滙將於第4季舉辦數場基金講座，讓您深入了解商舖基金及舖市再起動時機。 第一輪時期：11月24日(二) 已滿 / 26日(四) 已滿 12月1日(二) / 2日(三) 時間：1 – 2pm 地點：中環新世界大廈1座1502-3室 (本公司會議廳) 對象：按證監條例只適合持有八百萬港元以上流動資產(非物業)人士 註：疫情期間，每場只限六位。參加者須全程配戴口罩及保持1.5米社交距離。 報名方法： https://edwinlee.com.hk/%e8%ac%9b%e5%ba%a7/ 查詢： 2830 1111 (Suki/Monica) WhatsApp： 9218 5223 #商舖基金 #買舖要買得PRO

風再起時 ... 【盛滙商舖基金】2020年第4季集資講座 (上限港幣6000萬) 我們盛滙商舖基...

2020-11-19 09:47:36 有 34 人說讚